Tenofovir disoproxil fumarate

Tenofovir disoproxil fumarate साठी तज्ञ सल्ला

• टेनोफोविर असलेली औषधे इतर औषधांसोबत तुम्ही घेत असाल तर टेनोफोविर घेऊ नका.
• तुमच्या मूत्रपिंडांचे नुकसान करण्याची क्षमता असलेल्या अन्य औषधांसोबत टेनोफोविर घेऊ नका, विशेषतः अडेफोविर (हिपॅटायटीस बीच्या उपचारामध्ये वापरले जाते).
• तुम्हाला ही लक्षणे दिसल्यास तत्काळ तुमच्या डॉक्टरांशी संपर्क साधाः खोलवर आणि भरभर श्वास, गळून जाणे, उलटीची भावना, स्नायू वेदना किंवा अशक्तपणा, तुमच्या हातापायात बधीरपणा, पोटदुखी, गतिमान किंवा असमान हृदय गती, किंवा अतिशय अशक्तपणा किंवा थकवा वाटणे. यातून लॅक्टीक असिडोसिस (रक्तामध्ये अति प्रमाणात लॅक्टिक ऍसिड) नावाचा एक जीवघेणा दुष्प्रभाव असल्याचे सूचित होऊ शकते. लॅक्टीक असिडोसिस बरेचदा महिलांमध्ये, विशेषतः अति लठ्ठ महिलांमध्ये किंवा दीर्घकाळ न्युक्लिओसाईड अँटीवायरल्स घेणाऱ्या महिलांमध्ये दिसून येतो.
• टेनोफोविरमुळे तुमच्या मूत्रपिंडांचे नुकसान होऊ शकते. टेनोफोविरचा उपचार घेत असताना सतत मूत्रपिंडाचे कार्य (मूत्रपिंडाचे आरोग्य तपासण्यासाठी रक्त तपासण्या) तपासून घ्यावे.
• तुम्हाला ही लक्षणे दिसल्यास तत्काळ तुमच्या डॉक्टरांशी संपर्क साधाः सतत उलटीची भावना, पोटाच्या वरच्या भागात वेदना, खाज, भूक न लागणे, गडद लघवी, मातीच्या रंगाचा मल, कावीळ. यातून यकृताचे तीव्र नुकसान झाल्याचे सूचित होऊ शकते.
• टेनोफोविर घेताना हाडांमधील खनिज घनता कमी होऊ शकते.
• तुम्ही गर्भवती असाल, होणार असाल, स्तनपान करवत असाल तर टेनोफोविर घेण्यापूर्वी तुमच्या डॉक्टरांचा सल्ला घ्या.
• तुम्ही स्तनपान करवत असाल तर टेनोफोविर वापरु नका.
• टेनोफोविरमुळे लिपोडिस्ट्रोफी होऊ शकते (शरीराच्या चरबीतील बदल – जमा होणे किंवा घटणे) विशेषतः एचआयव्हीच्या वयस्कर रुग्णांमध्ये असे होते. चरबीचे पुनर्वितरणाची शारीरिक तपासणी आणि लिपिड्स आणि साखरेचा स्तर मोजण्याचा सल्ला वयस्कर रुग्णांना दिला जातो.
• इतरांना एचआयवी विषाणूचा प्रसार टाळण्यासाठी घ्यावयाच्या आवश्यक खबरदारींबाबत तुमच्या डॉक्टरांशी चर्चा करा.